追蹤
陳秋白的台語文學佮翻譯......
關於部落格
一排一排熠熠的水花若目屎

 對畫布頂面滾落來……




 彼是歡喜欲靠岸的湧嗎?
  • 22326

    累積人氣

  • 0

    今日人氣

    1

    追蹤人氣

紅毛番的船鐘



紅毛番的船鐘


海湧爬上沙埔的跤步聲
踏醒厝瓦[hiā],斡[uat]入
斡閣斡的巷仔底
佮我相閃身
伊向[ng]土地的方向行去
我走落沙埔
鑽入我耳空的風
有舢舨仔的馬達聲
閣較去的聲細,是烏魚族
風中拍響的白布旗

紲[suà]落,對遠遠海角傳來
「噹、噹」的金屬聲
是紅毛番的船鐘

徛踮昔日的紅毛港

最後一蕊水花蔫[lian]去啊嗎
我掘土的雙手呢?
最後一道大湧退去啊嗎
我抵抗的胸坎呢?
最後一片海洋失去啊嗎
我看遠的目睭呢?
最後一片瓦拆落來啊嗎
我攑[gia̍h]頭看的天呢?
最後一隻海鳥飛走啊嗎
我徛在在的跤呢?

海湧爬上我的跤頭趺
像一領記憶的被單
慢慢蓋[kah]上身軀

晃振動。



相簿設定
標籤設定
相簿狀態